Oleh: Soe Lie Piet
Goenoeng Tangkoeban Prahoe.
Hari soeda moelai soreh. Sang Betara Soerijadengen pelahan tapi tentoe moelai merajap masoekdi selah-selah goenoeng dengen pentjarken iapoenjatjahaja koening-emas jang amat permei, Dalem waktoesoreh begini, kota Bandoeng jang terkenal indah daneilok djadi bertambah tjantik dengen dapet polesannjaitoe sinar goemilang hingga tida bedah laksana gambardari pemandangan natuur jang bagoes sekali jang ter-teeken oleh satoe kunstenaar pande. Bajangan-bajangangoenoeng jang mengiteri kota Bandoeng dengen war-nanja jang bening keliatan semingkin indah dalem itoelipoetan sinar jang merawanken hati, Samentara itoe,angin goenoeng jang haloes dan njaman membikin itoe semoea kaeilokan alam djadi terlebih meresepdirasahken oleh semoea pendoedoek dari ini iboe-kotaPreanger jang sadari lama tetep pegang itoe gelaransebagi Parijs van Java!Demikianlah koetika Sang Betara Soerija soedasilem betoel-betoel dan langit mendjadi petang, de-
ngen samar-samar tertampak kelak-keliknja bintang- bintang, sedeng di langit seblah Timoer sang boelan jang goemilang n.oelai moentjoel naek aken djalanken kewadjibannja di waktoe malem. Semingkin lama iapoenja tjahaja djadi semingkin permei. Riboean lamp e-lampoe listrik telah menjalah dengen terang, teroetama di gedong-gedong bioscoop dan tempat-tempat tontonan. Dalem itoe sinar rem- boelan dan di bawah sorotnja lampoe-lampoe, antero kota Bandoeng keliatan bergirang dan bersenjoem ! Di djalanan-djalanan rameh sama berbagi kandaran, sedeng jang djalan kaki poen tida koerang djoem- blahnja. Sasoeatoe orang jang kaloear di itoe saät semoea ada goembirah sekali, paras girang jang di- sreniai meseman manis, senantiasa tertampak di segala djalanan jang loewas dari itoe kota jang terkenal banjak prampoean :jantiknja. Ka djoeroesan mana sadja orang palingken moeka- nja, pasti ia aken disamboet dengen paras jang ber- seri-seri srenta mempoenjai tjoekoep pengaroeh boeat menggeterken katentremannja hati. Begitoelah keadaännja ini Parijs van Java satiap soreh hingga djaoeh malem kapan oedara ada terang, apapoela bilah remboelan pentjarken tjahajanja jang gilang-goemilang dan terdapet satoe atawa laen kera- mehan jang loear biasa. Di waktoe malem, Bandoeng jang berhawa sedjoek selaloe manis . manis dengen paras-paras jang ijantik dan senjoem-senjoeman jang romantisch ! Ba- njak soeara jang mengandoeng arti senantiasa ter- denger dari itoe moeloet jang moengil, dari lirikan mata jang tadjem, dan dari gerakan badan jang seperti daon poehoen lioe jang katioep angin lemboet.
Tapi…oh, Bandoeng roepanja tida taoe, dari kadjaoehan, dari tempat jang tinggi, soenji srenta gelap keliatannja dari kota Bandoeng jang penoeh sama tjahaja penerangan jang gilang-goemilang, soeda bebrapa lama ada sapasang mata jang amat tadjem dan tentrem, senantiasa mengawasi dengen anteng pada sasoeatoe gerakan jang terdjadi di segala tempat dan plosok dari ini Parijs van Java jang mentereng. Siapatah ia itoe dan dimana ia berdiam, hingga bisa meliat begitoe laloeasa pada segala apa jang terdjadi di dalem kota jang rameh itoe? la itoe boe- kan sembarang orang, hanja ada Rajahna, satoe moerid jang berilmoe tinggi dari saorang pertapaän jang ber- gelar Goeroe Maha Sakti. Dengen ampir tida dika- tahoei orang, Rajahna bertapa banjak taon lamanja di dalem satoe gowa jang terkoeroeng oleh oetan lebet di poentjak goenoeng Tangkoeban Praoe. Ber- bagi ilmoe kebatinan jang tinggi dan sampoerna ia telah peladjarken dengen baek. Rajahna pande sekali tentang ilmoe bersamedhi. la bisa liat dengen sapa- sang matanja pengliatan jang djaoeh sekali maski terletak ratoesan mijl djaoehnja; ia bisa dateng di segala tempat dengen lantes asal begitoe ia ingin pergiken ; ia bisa taoe apa jang orang sedeng pikirken atawa inginken ; laen dari itoe semoea kesaktian jang ada dalem dirinja, Rajahna poen bisa merobah iapoenja roepa menoeroet sebagimana jang ia kahendakin. Memang soeda lama sekali satelah Rajahna tamat peladjarken ilmoenja boeat tingkatan pertama da- lem ilmoe kebatinan jang tinggi, ia ingin mentjari taoe dengen boekti-boekti tjoekoep, bagimana ke- ada’an jang sasoenggoenja dari antero pendoedoek Bandoeng, jang ia liat satiap malem ada begitoe ber- goembira srenta soeka sekali dengen keramehan dan
kaplesiran. Tjahajanja itoe riboean lampoe jang menjala terang di dalem kota, oleh Rajahna diliat teges sekali dari atas poentjak goenoeng Tangkoeban Praoe. Tapi berbareng dengen mentjarnja itoe tjahaja dari lampoe-lampoe, Rajahna liat djoega samatjem tjahaja item jang mengoelek ka atas oedara. Rajahna sebagi saorang jang berilmoe taoe apa adanja itoe tjahaja jang berwarna item jang tida brenti-brentinja teroes mengeboel ka atas dengen menjeremker sekali. Pada soeatoe malem, selagi Rajahna berdiri di atas poentjak goenoeng dan memandang dengen tetep ka djoeroesan kota Bandoeng, jang penoeh sama iapoenja tjahaja lampoe-lampoe jang gilang-goemilang, mende- roenja berbagi soeara brisik dari banjak matjem kera- mehan dan laen-laen, dengen pelahan ia berkata saorang diri, di antara tioepannja angin jang santer dan ber- gojangnja daon-daon poehoen di dalem oetan : ,,Liat, lia lah itoe tjahaja item jang senantiasa menge- boel naek dari kota Bandoeng jang rameh dan mente- reng, dimana kapan terliat oleh mata biasa semoeanja serba bagoes sadja. Tapi, oh … soenggoe ketjiwa, dari adanja itoe matjem tjahaja bisa dikatahoei bagimana itoe napsoe djahat dari hati manoesia jang penoeh iblis sampe di ini djeman masih teroes berkobar. Saling mengi- ri, tabeat jang seraka dan kedjem serra napsoe-napsoe djahat selaloe membakar iaorang, kendati keliatan di lahir semoea-moeanja ada manis dan eilok sifatnja… Sampe sakean lamanja Rajahna memandang teroes mengeboelnja itoe tjahaja item, tapi achirnja ia dapet liat djoega sakoempoelan sinar poetih jang djerni dan adem, di laen djoeroesan kendati tjoema sedikit sekali. Dengen ini semoea pengliatan Rajahna mengarti bahoea dari pada pikiran-pikiran baek dan moelia sabagian besar kebanjakan jang tertjengkerem o’eh kedjahatan.
Bebrapa kali sambil tetep berdiri di atas poentjak goenoeng itoe, Rajahna mengelah napas jang menan- daken iapoenja kemasgoelan hati. Kombali ia toedjoeken matanja ka segala djoeroesan dari kota Bandoeng, tapi tida kedapetan apa-apa jang loear biasa boeat ia ke- tjoeali itoe berbagi-bagi napsoe manoesia jang siang- malem berkobar teroes dengen panas sekali. Bebrapa sa’at telah berselang, Bandoeng jang rameh dan brisik pelahan-pelahan mendjadi soenji. Tapi Ra- jahna, saolah-olah tida mengenal tjape tida mengiser dari tempatnja. Sabentar ia toendoeki kepala, dan sa- bentar lagi ia tekoek-tekoek djeridjinja sebagi orang jang maoe mengitoeng apa-apa. Satelah berboeat be- gitoe sakean lamanja, kamoedian ia laloe ber ata poela : ,,Biarlah moelai besok malem akoe aken toeroen ka Bandoeng boeat bergaoel kombali pada manoesia, soepaja akoe bisa taoe dengen djelas jang disrentai boekti-boekti bahoea mengeboelnja itoe tjahaja item saban sa’at ka atas oedara boekan tida ada lantarannja.” Oh, Bandoeng! Bandoeng! kaoe roepanja tida taoe satiap malem dengen kaoe poenja bermatjem- matjem keramehan dan kagoemilangan jang mentereng selaloe diperhatiken oleh matanja saorang moerid pertapa’an dengen penoeh perhatian. Sasoedanja ambil katetepan demikian, dengen se- dikit balikken badan dan saklebatan sadja dirinja Rajahna linjap dari tempat dimana tadi ia berdiri. Keada’an di sakiternja goenoeng Tangkoeban Praoe jang memangnja soenji telah djadi lebih soenji lagi koetika Rajahna soeda mengilang. Di sitoe melaenken kadengeran bergolaknja oewap panas dari Kawah Ratoe, Kawah Oepas dan Kawah Domas. Toeroennja aer dari tempat jang tinggi ka djoerang-djoerang jang dalem poen kadengeran
njata saolah-olah orang jang sedeng merinti kerna kesakitan. Laen dari itoe tida terdenger apa-apa poela kerna sang angin dari Oetara menderoe deroe santer sekali hingga mengeringnja binatang-binatang ketjil atawa mengaoengnja binatang-binatang boewas lantes kena dibikin diadi saroe: dan boeat menambahken itoe kekaloetan di waktoe malem, ti: bang- jabang poehoen jang koerang tegoeh laloe terlempar dari tempatnja jang tinggi dan djatoh ka bawah dengen membentoer batoe batoe karang jang berselengkatan di antara djoe- rang-djoerang jang dalem dan sanget serem roepanja.